മധ്യപടിഞ്ഞാറന് ബംഗാള് ഉള്ക്കടലിനും വടക്ക് പടിഞ്ഞാറന് ബംഗാള് ഉള്ക്കടലിനും മുകളിലായി രൂപപ്പെട്ട ന്യൂനമര്ദ്ദത്തിന് ശക്തികൂടി. അടുത്ത ഇരുപത്തിനാല് മണിക്കൂറിനുളളില് വീണ്ടും തീവ്ര ന്യൂനമര്ദ്ദമായി ശക്തിപ്രാപിച്ച് പടിഞ്ഞാറ്- വടക്ക് പടിഞ്ഞാറ് ദിശയില് സഞ്ചരിച്ച് ആന്ധ്രപ്രദേശ്- തെക്കന് ഒഡീഷ തീരത്തേക്ക് നീങ്ങുമെന്നാണ് നിഗമനം.
തെക്കന് ഒഡീഷയ്ക്കും വടക്കന് ആന്ധ്രാപ്രദേശിനും മുകളില് നിലനില്ക്കുന്ന ന്യൂനമര്ദ്ദവും നാളെയ്ക്കുളളില് ബംഗാള് ഉള്ക്കടലില് രൂപപ്പെടാന് സാധ്യതയുളള ന്യൂനമര്ദ്ദവുമാണ് കേരളത്തില് മഴ കനക്കാന് കാരണം.
എറണാകുളം ജില്ലയിലെ അംഗണ്വാടികള്, കേന്ദ്രീയ വിദ്യാലയങ്ങള്, സി ബി എസ് ഇ, ഐസിഎസ്ഇ തുടങ്ങിയ എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണെന്ന് ജില്ലാ കളക്ടര് വ്യക്തമാക്കി. കാസര്ഗോഡ് ജില്ലയിലെ കോളേജുകള്ക്ക് അവധി ബാധകമല്ല.